الصَّحْرواي
دليلة حياوي
روما، شتنبر 2010
هذا يومْكْ يا الصَّحْراوي
عْلّي صوتْكْ..
عْلّيهْ فْ العْلالي
هذا يومْكْ يا الصَّحْراوي
وْلْدْ سْلْمى قالْ الحْقْ..
وْكْذّبْ البُهْتانْ
شْهْدْ بْمْغْرِبيَّةْ المْكانْ
وْمْعاهْ شاهْدْ الزْمانْ
هذا يومْكْ يا الصَّحْراوي
لْمْ مْعَ بْلادْكْ الشْمْلْ
سْمّعْ لْلدّنْيا صوتْ العْدْلْ
وْصوتْ كُلْ حْبَّة مْنْ حْبّاتْ الرّمْلْ
نْصْتْ لْلعْزْ..
ماشي لْلذْلْ
يا الصَّحْراوي
بْلادْكْ بْ الاحْضانْ مْلاقْياكْ
وْبْ السْماحَة وْالغْفْرانْ مْظْلْــلاكْ
يا الصَّحْراوي
لْبّي لْوَطانْكْ النِّدا
وْبْمَسيرَة كيما الأولى غْرّا
تْوّجْ بُطولاتْ السْلافْ..
لْعْفْرا
يا الصَّحْرواي
وْلْدْ سْلْمى زادْ ذْهّبْ مْجادْكْ
وحْبْسو جَريمَة ذْنْبْها فْرْقابك
وْرّثْ فْخْر حُرّيْتو لْحْفادْكْ
كيما داروا جْدادي وْجْدادْك
اللّي حْصْنو لْلوَطَان الحْدودْ
فْلْحو
سْقاوْ
وْبْناوْ السّدودْ
وَحاشا لْلدُّخَلا واشْ حْناوْ القْدودْ
هَذا يومْك يا الصَّحْراوي.
|
